خطوات تعلم اي لغة .. نصيحة قبل ماتبدا

قبل تعلم اى لغة ..... نصيحة كيف تبدا

كل واحد فينا فى فترة ما من حياته انعجب بقوم اخر او بثقافتهم او فقط لصوت لهجة لغتهم و هذا مش عيب و بالعكس هذى نقطة ايجابية باش تبد تتعلم و معظم الناس يتعلمو لغة للعلم او العمل . لاكن المشكلة الى تواجه الكل هى انه ميخداش الموضوع بجدية او طهقة و نمشى و تولى و تمشى و ديمة فى باله لاكن عمره ما لحقها بجدية .

الفكرة انك كيف تبدا ؟ كيف تبدا لو كانت عندك الرغبة لانه كل واحد فينا يقرى توة فى الموضوع هدا عنده ميول للغة معينة يتمنى لو يبدا يتعلمها .
به كويس خلى نضرب مثال .

اعتبرو اسمى محمد و انى شخص من صغرى عندى نية نتعلم اللغة الفرنيسة لانى اسمعت سيلين ديون و عاجبنى اغانيها بالفرنساوى به و جيتنى نية انى نتعلم اللغة هادى .
به كيف نبدا ؟

1- اول حاجة لازم ما تاخده فى بالك انه ما فيش حاجة تندار بسرعة و صح و بدات فى تعلم اللغات يعنى اول حاجة قول لى نفسك هل عندى الرغبة و نصبر ؟

لو عارف روحك تقدر كويس امشى للخطوة الى بعدها و لو لا حنقولك معلومة مش حتعجبك راهو انت بتقعد هكى طول عمرك و مش حتتعلمها !

2- انت توة قلت نقدر نصبر لاكن باهى شن اندير توة ؟

اول حاجة اديرها اتقول هل عندى وقت نقدر انخصصه لتعلم هده اللغة و الرغبة لانه لازم ما تبدا بلهجة ايجابية و ابعد عن سلبية التفكير لانه انت هكى حدير عوائق وهميىة لنفسك كل ما اتوجهك مشكلة . لو تقدر اتخصص وقت و اتنظم اعليه حياتك اليومية ممتاز و لو لا فحاول لانه اللغات تبى مثابرة تبى حد كل يوم يتبعها وضرورى تبدا جزء من حياتك لباقى حياتك يعنى اسلوب حياة مش تتعلمها و خلاص.

3- به قررت نصبر و قررت انى انخصص وقتى للغة هادى . الخطوة 3 ؟

توة لازم ما تبحت عن مصادر و اداوات اتمكنك من تعلم اللغة و اولها اتكون تبحت عن مدارس او معاهد او مراكز تعليم اللغة الى انت تبيها . محمد يبى فرنساوى لو انى كنت فى مكانه نمشى للمعهد الثقافى الفرنساوى و ناخد منهم برنامجهم مش ضرورى نلتحق بيه توة لانه مرات فى اسباب مادية او اجتماعية تمنعنى الفترة هادى لاكن على الاقل عندى برنامجهم و عندى تليفونهم . به و كان نبى نتعلم لغة انجليزية معابيا البلاد بيهم من هما الى نمشيلهم ؟ الجواب انك تمشيى للمشهورين منهم و ما تمشيلهومش على خاطر شكرو هوملك لا لا لا امشى بروحك استفسر و خود مطويات و جمع 5 او 6 مطويات و قارن اسعارهم و عدد ساعاتهم بروحك فى حوشك دير بحت و دراسة بروحك ( الارخص ديما اقل جودة ) لاكن متشتركش مازال غير ايكون عندك تليفوناتهم و فكرة بس . و لو لغة زى مثلا البولاندية او اليابانية كيف اندير ؟ لانه معندهومش مركز ثقافية فى بلادنا انى ننصح حاليا انك تبحت عن محطات فى التليفيزون لمتابعتها و مواقع على الانترنت لانه اتساعد الى حين تتعرف على حد من الجاليات هادى لربما يعرف استاذ فى ليبيا .

4- القيت االمركز الى يناسيبنى و نبى نتعلم و نبدا ؟

اسالت نفسك توة ادا كان المركز هدا فعلا مناسب و كيف تعرف انه مناسب لانه راهو فى بلادنا كلهم ايقولو انه احنى معتمدين و مش عارف شنى لاكن الواقع مش صح .
المراكز كلها مش معتمدة دوليا الا اذا كانت امتحاناتها معتمدة . كيف ؟ اللغة الانجليزية متلا تقدر تقراها فى اى مكان و بيعطوك شهادة لاكن هل الشهادة هادى لو اطلعت برى ليبيا معتمدة كمعيار لتقيم مستواك فى اللغة بلاش برى ليبيا الشريكات الدولية اهنى هل تعترف بيها ؟ لا لا لا هذا الجواب, لانه فى اللغة الانجليزية المعاير و لجميع اللغات فى هيئات او جامعات دولية ادير فى الامتحانات و فقط هى الى معترف بيها من قبل شركات و جهات عالمية. فنقطة مهمة ممكن ايكون المكان الى تقرى فيه معتمد لاكن لا يسوى شىء فقط مكان تعلمت فيه .

5- به كيف نعرف اما دورة صح و اما هى معتمدة ؟

المراكز المعتمدة مش مراكز معتمدة باش اتقريك لا و لاكن مراكز تهيئك و تعلمك اللغة لاكن لازم ما ادير امتحان دولى باش تصبح شهادتك معتمدة ؟ و اقل من 5 مراكز فى ليبيا كلها الى مفتوحه للجمهور الى فعلا اديرلك امتحان معتمد.

6- كيف نعرفها الامتحانات المعتمدة ؟

فىالحلقات الخمسة الجاية حننصحك بالتفصيل الممكن كيف تتعلم لغة لاكن اهم حاجة فى بالك اتشدها من حلقة اليوم هى


الرغبة المثابرة و الصبر و الجدية مفتاحك كبداية سليمة لتعلم اى لغة